El Vikipedio, la libera enciklopedio
La federacia vojo 41 - germane Bundesstraße 41 - estas parto de reto de duarangaj interregionaj vojoj en Germanio, kiuj kompletigas la unuarangan reton de la germanaj aŭtovojoj. Ĝi vojas 140 kilometrojn tra la federaciaj landoj Sarlando kaj Rejnlando-Palatinato. La plej okcidenta punkto estas limpasejo sude de la urbo Saarbrücken ĉe la limo al Francio (de tie la vojo plugvidas al Forbach) kaj la plej orienta la komunumo Bad Kreuznach. Gravaj urboj survojaj estas Neunkirchen (Saar), St. Wendel, Birkenfeld, Idar-Oberstein kaj Bad Sobernheim. Inter la norda parto de Saarbrücken kaj Spiesen-Elversberg la vojo estas anstataŭata per la urba aŭtovojo A623 kaj poste la germana aŭtovojo A8 - en la informkesta mapo dekstre tiu aŭtovoja parto de 20 kilometroj estas markita blue, dum la "normala" federacia vojo estas markita ruĝe. Krome la vojo ĉe Birkenfeld konektiĝas al la germana aŭtovojo A62, ĉe Bad Kreuznach konektiĝas al la germana aŭtovojo A61.
|
|
Ĉi tiu artikolo ankoraŭ estas ĝermo pri vojo.
|
