Premioj Latinaj Grammy

La Premioj Latinaj Grammy (en la angla, Latin Grammy Awards) estas la latina versio de la Grammy-Premio aljuĝita fare de la Latina Akademio de Artoj kaj Sciencoj de Registrado. Ili rekonas la artan kaj teknikan elstarecon de surbendigita muziko, tra interkolega voĉdonado, por muzikaj produktadoj kantataj en la hispana, la portugala aŭ en lingvoj, dialektoj aŭ idiomaj esprimoj rekonitaj en Latin-Ameriko. Ĝi kovras Latin-Amerikon, Hispanion, Portugalion kaj la latinan loĝantaron de Kanado kaj Usono .

La unua evento estis okazigita en 2000 en Usono sur la televidreto CBS. Ĝi estis la unua hispanlingva televidprogramo elsendita en pinttempo de usona reto. La statueto tre similas al la usona versio, nur la bazo de ĉi tiu estas brilruĝa, sed la gramofono estas ankaŭ ora. La statueto de la "Premio al la Muzika elstareco" havas ruĝan bazon identan al la originalo, sed la gramofono estas kuprokolora.

En 2005, la elsendo de la ceremonio pasis de CBS al Univision, kie la ceremonio estas tute en la hispana. Ekde tiu jaro, ĉiuj ĝisnunaj eldonoj estas elsenditaj ĉe Univision.

En novembro 2023, ĝi estis okazigita en Sevilo, Hispanio, markante la unuan fojon kiam la premioj estis okazigitaj ekster Usono.

Voĉdonantaj membroj loĝas en malsamaj regionoj de Usono, kaj ankaŭ en regionoj de Latin-Ameriko . Por esti elektebla por nomumo, la kanto aŭ albumo devas esti registritaj en almenaŭ 60% hispana aŭ portugala (antaŭe ĝi estis 51% ĝis 2024) kaj publikigita en Nordameriko, Mezameriko, Sudameriko, karibaj nacioj, Hispanio aŭ Portugalio. La kvalifika periodo estas de la 1-a de junio ĝis la 30-a de majo por la respektivaj premiokategorioj de la ceremonio. Registradoj kiuj eniras por la unua fojo estas reviziitaj por determini al kiu kategorio ili apartenas. Post kiam nomumbalotoj estas senditaj de Akademianoj, la voĉoj estas entabeligitaj kaj la kvin registradoj en ĉiu kategorio kun la plej alta nombro da voĉoj estas la kandidatoj. Finaj balotoj estas senditaj al balotantoj, kaj gajnintoj estas determinitaj kaj poste anoncitaj vive ĉe la festo de disdonado. Premioj estas kutime disdonitaj la trian ĵaŭdon en novembro.

Kronologio

Jaro	Urbo	Loko	Prezentanto	Persono de la Jaro	Ref.
2000	Los-Anĝeleso, Usono	Staples Center	Gloria Estefan Jennifer Lopez Jimmy Smits Antonio Banderas Andy García	Emilio Estefan
2001		Conga Room	Jimmy Smits Paul Rodríguez	Julio Iglesias
2002		Kodak Theatre	Gloria Estefan Jimmy Smits	Vicente Fernández
2003	Miamo, Usono	American Airlines Arena	George Lopez	Gilberto Gil
2004	Los-Anĝeleso, Usono	Shrine Auditorium		Carlos Santana
2005			Rebecca de Alba Eduardo Santamarina	José José
2006	Novjorko, Usono	Madison Square Garden	Lucero Víctor Manuelle	Ricky Martin
2007	Las Vegas, Usono	Mandalay Bay Events Center	Lucero Eugenio Derbez	Juan Luis Guerra
2008	Houston, Usono	Toyota Center	Patricia Manterola Cristián de la Fuente	Gloria Estefan
2009	Lasvegaso, Usono	Mandalay Bay Events Center	Lucero Eugenio Derbez	Juan Gabriel
2010				Plácido Domingo
2011			Lucero Cristián de la Fuente	Shakira
2012				Caetano Veloso
2013			Lucero Omar Chaparro Blanca Soto	Miguel Bosé
2014		MGM Grand Garden Arena	Eugenio Derbez Jacqueline Bracamontes	Joan Manuel Serrat
2015			Jacqueline Bracamontes Roselyn Sánchez	Roberto Carlos
2016		T-Mobile Arena	Roselyn Sánchez Sebastián Rulli	Marc Anthony
2017		MGM Grand Garden Arena	Jaime Camil Roselyn Sánchez	Alejandro Sanz
2018			Carlos Rivera Ana de la Reguera	Maná
2019			Ricky Martin	Juanes
2020	Miamo, Usono	American Airlines Arena	Víctor Manuelle Yalitza Aparicio Ana Brenda Contreras	Ne havigita pro la pandemio de KOVIM-19
2021	Las Vegas, Usono	MGM Grand Garden Arena	Roselyn Sánchez Carlos Rivera Ana Brenda Contreras	Rubén Blades
2022		Michelob Ultra Arena	Laura Pausini Luis Fonsi Anitta Thalía	Marco Antonio Solís
2023	Sevilo, Hispanio	Fibes	Sebastián Yatra Danna Paola Roselyn Sánchez Paz Vega	Laura Pausini
2024	Miamo, Usono	Kaseya Center	María Becerra Juliana Velásquez Luisa Sonza	Carlos Vives

Kategorioj

Kiel en la kazo de la Grammy-Premio, premioj estas donitaj en kvar ĝeneralaj kategorioj, kaj plie aliaj specialigitaj laŭ muzika ĝenro. Nuntempe, 53 kategorioj estas aljuĝitaj trans diversaj muzikĝenroj, inkluzive de la ĉefaj kvar.

Specialaj premioj

Aldone al la konkurencivaj kategorioj, la akademio prezentas specialajn premiojn ĉiujare:

• Persono de la Jaro
• Premio al la Muzika Elstareco - donita al artistoj kiuj faris kreivajn kontribuojn de escepta arta signifo al la kampo de registrado dum siaj karieroj.
• Premio de la Plenuma Konsilio: Prezentita al individuoj kiuj faris signifajn kontribuojn - ekskludante kantadon - al la kampo de registrado dum siaj karieroj.

Rekordoj

La puertorika repisto Residente (inkluzive de tiuj kiujn li gajnis estante parto de la muzika grupo Calle 13), la dominika kantisto Juan Luis Guerra, kaj la kolombia Juanes estas la viraj artistoj kun la plej multaj premioj gajnitaj (27 venkoj por ĉiu). La meksika kantisto Natalia Lafourcade estas la artisto kun la plej multaj premioj (17 entute), sekvata de la kolombia kantisto Shakira kun 14 venkoj.