Matlokito
| Matlokito | |
|---|---|
|
| |
| Specimeno de Matlokito el Derbyshire, Anglio | |
| Ĝeneralaĵoj | |
| Kategorio | Halidaj mineraloj |
| Ĥemia formulo | PbFCl |
| Klasado de Strunz | 03.DC.25 |
| Klasado de Dana | 9.2.11.1 |
| Kristala simetrio | Tetragona 4/m 2/m 2/m ditetragono-dipiramida |
| Kristala strukturo | a = 4.11 Å, c = 7.23 Å; Z = 2 |
| Identeco | |
| Koloro | Senkolora al flava kaj verdeca |
| Kristala aspekto | Platigita, tavolaj kristaloj troviĝantaj kiel agregaĵoj, kokard-simila, radianta, hemisfera; ankaŭ masiva |
| Kristala sistemo | Tetragona |
| Klivebleco | {001}, perfekta |
| Frakturo | Malebena al subkonkoida |
| Mohs-skalo | 2.5 - 3 |
| Glaceo | Senceda, perleca en {001} |
| Diafaneco | Transparenta |
| Specifa denso | 7.1 - 7.2 |
| Optikaj proprecoj | Unuaksa (-) |
| Refrakta indico | nω = 2.150 nε = 2.040 |
| Referencoj: | [1][2] |
Matlokito (angle: Matlockite) estas rara plumba halida mineralo, nomita laŭ la urbo Matlock en Derbyshire, Anglio, kie ĝi estis unue trovita[1] en apuda minejo. Matlokito (ĥemia formulo: PbFCl) donas ĝian nomon al la matlokita grupo kiu konsistas el raraj mineraloj kun simila strukturo.
Priskribo
[redakti | redakti fonton]La mineralo, fluoroklorido de plumbo (formulo PbFCl), estis malkovrita iam ĉirkaŭ la fruaj 1800-aj jaroj ĉe Bage Mine en Bolehill, Derbyshire apud Matlock, kune kun specimenoj de fosgenito kaj anglesito. Kvankam fosgenito estis konata tiutempe, ŝajnas propable ke matlokito mem restis malestimita kiel nova mineralo dum kvindekkelk jaroj. La nomo estis donita de Greg en 1851.[3] La unua mencio pri Matlokito povus esti en la Mineralogio de Derbyshire en 1802 de John Mawe[4] kie li donas detalan priskribon de fosgenito, kiu poste estas sekvata de mencio pri mineralo al kiu li referencas kiel "vitra plumbo" - priskribo kiu iom korespondas al la aspekto de matlokito. Ĝi estas hela, de diafana krem-flava koloro, sed peza havante denson kiu superas 7.1.[2]
Tre granda specimeno 10 cm-ojn longa, kaj devenanta de Derbyshire, ekzistas en la kolektoj de la American Museum of Natural History.[5] 7 cm specimeno estas trovebla en la kolekto de Muzeo kaj artgalerio de Derby.[6]
Matlokito estis priraportita el nombro da lokoj depost ĝia malkovro en la "tip-loko" de Derbyshire. La mineralo estas ankaŭ trovata en Tiger, Arizono, Laurium en Grekio, minejo apud Essen en Germanio kaj proksime de Campiglia en Toskanio. Specimenoj estis ankaŭ trovitaj en lokoj de Sud-Afriko, Peruo, Ĉilio, Aŭstralio, Aŭstrio, Francio kaj Italio.[1][2]
Matlokita grupo
[redakti | redakti fonton]La matlokita grupo konsistas el nombro da mineraloj kiuj partigas similan kristalan strukturon. La grupo inkluzivas bismuton, plumbajn aŭ kalciajn halidojn: bismoklito (BiO)Cl, daubréeito (BiO)(OH,Cl), laurionito PbCl(OH), paralaurionito PbCl(OH), rorisito CaFCl, zavarickito (BiO)F kaj la samnoma matlokito.[7]
Referencoj
[redakti | redakti fonton]- ↑ 1,0 1,1 1,2 Handbook of Mineralogy
- ↑ 2,0 2,1 2,2 Mindat.org
- ↑ Phosgenite and Matlockite in Derbyshire (Part 1), T. Bridges, M.E. Smith, Journal of the Russell Society Volume 1, No. 2, p7-14, 1983
- ↑ Mawe, John. The Mineralogy of Derbyshire with a Description of the most Interesting Mines. 1802, London
- ↑ Frondell, Clifford. American Mineralogist, Vol 20, 469-473, 1935
- ↑ Working with Wikipedia - a museum's perspective.
- ↑ Matlockite Group. Mindat.org.
Eksteraj ligiloj
[redakti | redakti fonton]- Oficiala retejo de Muzeo kaj artgalerio de Derby Arkivigite je 2011-09-26 per la retarkivo UK Government Web Archive