Palomeque
| Palomeque | |||
|---|---|---|---|
 | |||
municipo en Hispanio  vd
| |||
|
|
| ||
| Flago | Blazono | ||
| Administrado | |||
| Lando | Hispanio | ||
| Regiono | Kastilio-Manĉo | ||
| Provinco | Toledo | ||
| Komarko | La Sagra | ||
| Poŝtkodo | 45213 | ||
| Retpaĝaro | [1] | ||
| Politiko | |||
| Urbestro | Fernando Ledesma Ledesma | ||
| Demografio | |||
| Loĝantaro | 922 (2010) | ||
| Loĝdenso | 41,91 loĝ./km² | ||
| Geografio | |||
| Geografia situo | 40° 7′ N, 3° 58′ U (mapo)40.119444444444-3.9611111111111Koordinatoj: 40° 7′ N, 3° 58′ U (mapo) [+] | ||
| Alto | 610 m [+] | ||
| Areo | 22 km² (2 200 ha) | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Palomeque [+]
| |||
.svg)
Palomeque [palomEke] estas municipo de Hispanio, en la Provinco de Toledo, regiono de Kastilio-Manĉo.
Toponimio
[redakti | redakti fonton]La termino "Palomeque" povus deveni el paloma (kolombo) kiu siavice devenas el vulgara latina PALVMBA el klasika latino PALVMBES, 'palumbo'. La ekzisto de komenca formo «Palombec», validus tiun hipotezon.[1] Kvankam malpli probabla, oni ne nuligu la eblon ke en Palomeque estus antaŭromia radiko pal-/pala, 'dekliveto' aŭ 'dekliva kaj klina herbejo', kiel ĉe multaj toponimoj devenaj el paloma.[2]
Loĝantoj
[redakti | redakti fonton]La loĝantoj nomiĝas Palomecanos. La censita populacio en 2010 estis de 922 loĝantoj kaj la denseco estas de 41,91 loĝ/km². Dum la lasta jardeko de la 20a jarcento kaj la uuna de la 21a jarcento la populacio duobliĝis.
Situo
[redakti | redakti fonton]Palomeque estas situa en la okcidenta parto de Kastilio-Manĉo en la komarko aŭ distrikto La Sagra en la norda parto de la provinco de Toledo, je altitudo de 610 m; je 39 km el Toledo, provinca ĉefurbo. La areo de ties teritorio estas de 22 km². La geografiaj koordinatoj estas 40°7′10″ N 3°57′40″ Ok.
Geografio
[redakti | redakti fonton]La municipo troviĝas situanta en alta ebenaĵo, ĉirkaŭata de ravinoj. Ĝi apartenas al la komarko de La Sagra kaj limas kun la municipaj teritorioj de El Viso de San Juan okcidente kaj norde, Cedillo del Condado oriente, Lominchar sude kaj Chozas de Canales okcidente, ĉiuj el la provinco de Toledo.
Tra ties teritorio fluas de sudoriento nordokcidenten la rojo Chorreras, alfluanto de la rivero Gvadaramo, kiu formas limon kun El Viso de San Juan kaj Chozas de Canales.
Ekonomio
[redakti | redakti fonton]Agrikulturo (cerealoj, vino, oleo) kaj brutobredado (ŝafoj, bovoj) tradicie. Nune proksimeco al Madrido, ŝtata ĉefurbo, ebligas proponi loĝejon al madridanoj nekapablaj trovi ĝin tie je malalta kosto. Aktuale la hegemonia estas la sektoro de servoj kun 38,2 % de la totalo de entreprenoj funkciantaj en la municipo, sekve de la konstruado kaj la industrio kun po 26,5 % kaj fine la agrikulturo kun 8,8 %.
Historio
[redakti | redakti fonton]La unuaj setlantoj de Palomeque estis mozaraboj, kiuj danke al la hidrografio de la rojo Chorrera, definitive setlis. Komence de la 12a jarcento la Ordeno de Sankta Johano setlis en la iberia okcidento. En 1144 Alfonso la 7-a donis al la Ordeno de Sankta Johano la strategian kastelon de Olmos, kun ties ĉiuj teritorioj kiuj inkludis la domarojn de Carranque, Palomeque kaj El Viso de San Juan, kaj aliajn nune senhomajn lokojn.
En 1173 la grafo Ponce de Minerva, kiu ĝis tiam estis estinta servisto de la reĝoj Alfonso la 6-a, 7-a kaj 8-a, havis posedaĵojn ĉe la herbejo de Palomeque, en la loko nome Los Palomares (la kolumbejoj). En dokumentoj mozaraboj de 1181 oni mencias la domaron de Yuncos kiu ĉiam aperas rilate al antaŭa loko, Palomeque aŭ Palomequejo. Aperas la unuan fojon kiel «Palombec» en dokumento de 1173 kie la grafo Ponce de Minerva donas la duonon de Azaña al aro de loĝantoj, sed plutenante tamen, aliajn posedaĵojn, inter kiuj troviĝas la herebejo de Palomeque.
Oni fondis la vilaĝon de Palomeque, iom post 1476. Ĝi apartenis ĝis la 15a jarcento al la jurisdikcio de "El Viso" kaj tiele aperas en la priskriboj menditaj de Filipo la 2-a de 1568.kiuj parolas pri la loko de Palomeque, kiu estas jurisdikcio de Viso, apartenanta al Olmos, de la Ordeno de Sankta Johano kaj posedata de Hernando de Alarcón kiel superulo. La atestantoj kiuj intervenas en la priskribo pensas, ke oni igis ĝin vilaĝo en la 15a jarcento, kvankam tiam ĝi estus nur domaro.
Dum jarcentoj ĝi apartenis al jurisdikcio de El Viso, de la Ordeno de Sankta Johano: fakte El Viso, Palomeque kaj Carranque, apartenantaj al la antikva ento Olmos. En 1736 Palomeque, domaro de El Viso, klopodis sendependiĝon, sed malsukcese. Laŭ informo de la Censo de Aranda de 1768, Palomeque havis ĉirkaŭ 280 loĝantojn. Meze de la 19a jarcento ĝi havis 56 domojn.
Notoj
[redakti | redakti fonton]- ↑ Jairo Javier García Sánchez, Toponimia mayor de la provincia de Toledo (zonas central y oriental), Toledo, 2004, Instituto provincial de investigaciones y estudios toledanos, paĝo 273, ISBN 84-95432-05-6.
- ↑ MORALA RODRÍGUEZ, José Ramón, Toponimia de la Comarca de los Oteros, León, 1989, Diputación Provincial de León, paĝo 70, ISBN 84-87081-28-2.
