Tempolinio de la Dua Mondmilito (1941)

Germana soldato de la Afrikakorps protektita kontraŭ sabloŝtormoj.

Jen listo de la okazaĵoj de la Dua Mondmilito dum 1941:

Januaro

• 1-a de januaro: La britoj eniris en la Itala Libio.
• 2-a de januaro: La brita aviadilaro bombardadis Bremenon kaj la germana Cardiff.
• 4-a de januaro:
  • Britoj kaj aŭstralianoj konkeris Bardia, Libio, kaj faris 25 000 italajn prizonulojn.
  • La germanoj bombardadis Avonmouth.
• 6-a de januaro: Per diskurso antaŭ la Usona Kongreso, Franklin D. Roosevelt anoncis la "kvar liberecojn": esprimlibereco, kredlibereco, libereco vivi senmalriĉe kaj libereco vivi sentime.
• 7-a de januaro: Yamamoto, suprema estro de la japana armeo, rekomendis atakon surprizan al Pearl Harbor.
• 9-a de januaro:
  • Manĉestero kaj Londono suferis fortajn aeratakojn.
  • Italio movas sian ŝiparon al Ĝenovo kaj La Spezia; temas pri retiriĝo al nordo.
• 10-a de januaro: En Albanio, la grekoj konkeris Klisura al italoj.
• 11-a de januaro: Hitler decidis sendi al Afriko la Afrikakorps, estrita de la generalo Erwin Rommel.
• 13-a de januaro:
  • Hitler premis la reĝon Boriso la 3-a de Bulgario por ke li aliĝu al la Akso Romo-Berlino-Tokio kaj unuiĝu al la militagado de la Akso permesante la pasadon de germanaj unuoj tra sia teritorio.
  • La greka registaro malakceptis la amasan britan helpon pro timo al germana interveno.
• 14-a de januaro:
  • La registaro de Meksiko deklaris, ke atako al membro de la Tutamerika Alianco estos konsiderata atako kontraŭ Meksiko kaj iniciatis politikajn reprezaliojn kontraŭ simpatiantoj de la nazioj en meksika teritorio.
  • Bombardado ital-germano super la insulo Malto.
• 17-a de januaro: En Ankaro, Turkio kaj la Bulgario subskribis pakton por ne agresi.
• 19-a de januaro:
  • Kunsido de Hitler kaj Mussolini en Berchtesgaden pro la italaj malsukcesoj.
  • Starto de la brita ofensivo en Etiopio kaj Eritreo el Sudano.
• 20-a de januaro:
  • En la Regno de Rumanio la Fera Gvardio, nome naciisma milico, ribelis kontraŭ la registaro.
  • La britoj rompis la italan fronton en la Itala Eritreo.
• 22-a de januaro: La britoj konkeris Tobrukon al italoj kaj faris 25 000 prizonulojn.
• 24-a de januaro: La britoj eniris en Etiopion.
• 25-a de januaro: La imperiestro Haile Selassie revenis al Etiopio.
• 26-a de januaro:
  • Startis la brita ofensivo en la Brita kaj Itala Somalioj.
  • La italoj refaris ofensivon en Albanio.
• 30-a de januaro:
  • La britoj konkeris Darna, en la Itala Libio.
  • Germanaj aviadiloj metas minojn en la Sueza Kanalo kiu estos portempe fermita al la navigado.
• 31-a de januaro: Londono suferis intensajn aeratakojn.

Februaro

• 2-a de februaro: La RAF bombardadis Boulogne, Francio.
• 3-a de februaro: En Libio, la generalo Rodolfo Graziani ordonis la retiriĝon al la okcidento, al la regiono Tripolitanio, rezigne el Cirenaiko.
• 7-a de februaro: La britoj konkeris Bengasi, Libio.
• 9-a de februaro: La britoj bombardadis Ĝenovon, Pisa, La Spezia kaj Livorno.
• 10-a de februaro: La RAF bombardadis Hanoveron kaj la naftujojn de Roterdamo.
• 11-a de februaro:
  • Hanovero kaj Ostende estis bombarditaj de la britoj.
  • La italoj devis retiriĝi el Etiopio.
  • Kunsido de Benito Mussolini kaj Francisco Franco en Bordighera, Italio.
• 15-a de februaro: Kunsido de Philippe Pétain kaj Francisco Franco en Montpellier.
• 20-a de februaro: Dua sinsekva tago de bombardado sur Swansea.
• 21-a de februaro: La RAF bombardadis la marbazon de Wilhelmshaven.
• 24-a de februaro: Pro la aresto de kelkaj centoj da judoj oni deklaris ĝeneralan strikon en Nederlando.
• 25-a de februaro:
  • Klopodo de puĉo en Bulgario cele al klinigo de la lando al la brita flanko.
  • La britoj konkeris Mogadiŝon, nome ĉefurbo de la Itala Somalio.
• 26-a de februaro: La britoj finigis la okupacion de la Itala Somalio.

Marto

• 1-a de marto:
  • Bulgario aliĝis en la Akso Romo-Berlino-Tokio.
  • La RAF bombardadis Kolonjon.
  • La Fortoj de la Libera Francio, estritaj de la kolonelo Leclerc devenaj el Ĉadio kapitulacigis la italojn en la libia oazo de Kufra.
• 2-a de marto:
  • La germanoj eniris en Bulgarion.
  • La RAF bombardadis Breston, Kalezon en Francio kaj Roterdamon en Nederlando.
• 3-a de marto: Nova bombardado de la RAF sur Kolonjo.
• 4-a de marto:
  • Reĝlando Grekio akceptis la intervenon de britoj kaj oni translokigis britajn trupojn al Grekio.
  • La britoj atakis la fiŝkaptejajn germanajn instalaĵojn de la insuloj Lofotoj, en Norvegio.
• 8-a de marto:
  • Intensa bombardado sur Londono kaj Portsmouth.
  • La insulo Malto estis akre bombardita de malamika aviadilaro.
• 9-a de marto:
  • Bombardado de germanoj sur Portsmouth.
  • La italoj ekofensivis en Albanio.
• 10-a de marto: La RAF bombardadis Havron.
• 11-a de marto:
  • Birmingham, Manĉestero kaj Salford estis forte bombarditaj.
  • La RAF atakis Kiel kaj Bremerhaven.
• 12-a de marto:
  • Bombardado de Liverpulo, Glasgovo kaj Merseyside.
  • La RAF bombardadis Bremenon kaj Hamburgon.
• 13-a de marto:
  • La RAF bombardadis Berlinon, Hamburgon kaj Bremenon. La germana aviadilaro atakis Glasgovon kaj Liverpulon.
  • En Albanio, la italoj ne sukcesis rompi la grekajn defendojn.
• 14-a de marto: Nova bombardado en Glasgovo, Sheffield kaj la riveron Clyde.
• 16-a de marto:
  • Granda atako de la Luftwaffe sur Bristolo.
  • La italoj perdis Berbera-n en Itala Somalio kaj estis haltigitaj de grekoj en Albanio.
• 19-a de marto:
  • Germanio premis la jugoslavojn por ricevi permeson por la trairado de siaj trupoj.
  • Granda atako de la Luftwaffe sur Londono.
• 22-a de marto: Tria tago de sinsekva bombardado de Plymouth.
• 24-a de marto:
  • Erwin Rommel kontraŭatakis en Libio kaj rekonkeris El Agheila.
  • Aeratako de la RAF sur Berlino.
• 25-a de marto:
  • La Regno Jugoslavio aliĝis al la Akso Triparta.
  • En Etiopio la britoj konkeris Harar-on.
• 26-a de marto:
  • La britoj konkeris Ĉeren, en Eritreo.
  • Manifestacioj de la popolo en Jugoslavio kontraŭ la subskribo de la Triparta Pakto.
• 27-a de marto: Puĉo en Jugoslavio. La reĝo Petro la 2-a, malamiko de la Aso, enpoviĝis.

Kirasŝipo Vittorio Veneto dum la Batalo de Kabo Tenaro.

• 28-a de marto:
  • Venko de la britoj sur la italoj en la Batalo de Kabo Tenaro, Reĝlando Grekio.
  • Franklin D. Roosevelt ordonis la konfiskadon de la germanaj ŝipoj kiuj estas en usonaj havenoj.
• 30-a de marto: En Bresto, la RAF atakis la germanajn krozoŝipojn Scharnhorst kaj Gneisenau.
• 31-a de marto:
  • Emden, en Malsupra Saksio, estis bombardita de la RAF.
  • Starto de la ofensivo de la Afrikakorps el El Agheila, en Kirenaiko, Itala Libio.

Aprilo

• 1-a de aprilo: La Regno Jugoslavio dekretis la ĝeneralan movilizon antaŭ la germana minaco.
• 2-a de aprilo:
  • La britoj okupaciis Asmara, nome ĉefurbo de Eritreo.
  • Puĉo en Irako estrita de la generalo Raŝid Ali, de tendenco germanema.
• 3-a de aprilo:
  • La unua hungara ĉefministro, Pál Teleki, memmortigis malkapabla malhelpi la eniron de sia lando en la militon de la flanko de la germanoj, antaŭ la sinteno de la reganto Miklós Horthy kaj de sia propra registaro. Li estis anstataŭita per László Bárdossy.
  • Erwin Rommel konkeris Bengasi, en la libia marbordo.

Damaĝoj okazintaj de bombardado de germanoj en Pireo la 7-an de aprilo de 1941.

• 5-a de aprilo: Traktato de amikeco sovet-jugoslava.
• 6-a de aprilo:
  • La germanoj, estritaj de la marŝalo Wilhelm List, atakis la teritoriojn de la Reĝlando Grekio kaj de la Regno Jugoslavio en la Operaco Marita kaj la Invado de Jugoslavio respektive.
  • La atena haveno de Pireo estis praktike detruita de la bombardado fare de germanoj.
  • Belgrado, deklarita malferma urbo, estis akre bombardita de la Luftwaffe same kiel la flughavenoj kie estis detruita la plej parto de la jugoslava aerforto.
  • Itala Reĝlando deklaris militon al Regno Jugoslavio.
  • La britoj konkeris Adis-Abebon.
• 7-a de aprilo:
  • La RAF bombardadis Sofion, nome la ĉefurbo de Bulgario.
  • En Jugoslavio, la germanoj antaŭeniris al Zagrebo kaj Monastiron, okupis Skopje en Makedonio, dum la italoj atakis ĉe la marbordo.
  • En Eritreo, la britoj okupis la italan marbazon de Masaŭa en la Ruĝa Maro.
• 8-a de aprilo:
  • Belgrado estis denove atakita; jam estis 17 000 mortoj.
  • La germanoj bombardadis ankaŭ Coventry kaj Portsmouth, la britoj Kiel.
  • La italaj fortoj en Eritreo kapitulacis al la britoj kiuj faris 10 000 prizonulojn.
  • La germanoj konkeris Salonikon.
• 9-a de aprilo:
  • La RAF atakis Berlinon kaj damaĝis kelkajn gravajn publikajn konstruaĵojn. Hitler koleris kontraŭ Goering pro la senkompetenco de la Luftwaffe en la defendo.
  • La germanoj bombardadis Birmingham kaj Newcastle upon Tyne.
  • La Afrikakorps de Rommel konkeris Bardia, marborda urbo oriente de Libio.
• 10-a de aprilo:
  • Post la konkero de Zagrebo fare de germanoj, Kroatio deklaris sin sendependa. La estro de la faŝisma Ustaše, nome Ante Pavelić, proklamiĝis Poglavnik (Gvidisto) de la Regno Kroatio.
  • La germanoj atakis Birmingham kaj la britoj Berlinon.
  • Rommel metis sieĝon al Tobruko, en la orienta marbordo de Libio.
• 11-a de aprilo:
  • La Hungara Reĝlando unuiĝis al la milito kontraŭ la Regno Jugoslavio kaj konkeris Osijek, en Kroatio.
  • La germanoj bombardadis Bristolon.
• 12-a de aprilo:
  • La germanoj konkeris Sremska Mitrovica, en Serbio, Jugoslavio.
  • Usono okupis kelkajn teritoriojn strategie en Gronlando.
• 13-a de aprilo:
  • La germanoj eniris en Belgrado, Jugoslavio.
  • La italoj atakis la grekojn, en la zono de la monto Olimpo.
  • Malto estis forte bombardita de la Luftwaffe.
  • Subskribo de la Pakto de Neŭtraleco inter Sovetunio kaj Japanio.
• 14-a de aprilo: La Afrikakorps alvenis al la egipta landlimo.
• 15-a de aprilo:
  • Germanio kaj Italio agnoskis la sendependecon de Kroatio.
  • La germanoj bombardadis Belfast, ĉefurbo de Nord-Irlando.
• 16-a de aprilo:
  • La germanoj okupis Sarajevon, Bosnio-Hercegovino kaj la italoj Split, en la sudo de la kroata marbordo.
  • Intensa aeratako al Londono.
  • La germanoj okupis la grekan insulon Tasos.
• 17-a de aprilo:
  • Berlino estis atakita de 200 aviadiloj de la RAF kaj Portsmouth de la Luftwaffe.
  • Senkondiĉa kapitulaco de la Regno Jugoslavio. Petro la 2-a fuĝis al Kreto.
• 18-a de aprilo:
  • La germanoj konkeris Larison, en Reĝlando Grekio
  • Memmortigo de la greka ĉefministro, nome Aleksandros Korizis.
• 19-a de aprilo:
  • La britoj retiriĝis el la monto Olimpo kaj akiras poziciojn en la ravino de la Termopiloj.
  • 2.300 mortoj pro bombardado sur Londono.
• 21-a de aprilo:
  • Bombardado de britoj en Tripoli.
  • La grekoj kapitulacis en Lariso. La britoj rezistis en la Termopiloj dum ties trupoj enŝipiĝis.
• 23-a de aprilo:
  • Portsmouth estis bombardita por la tria sinsekva tago.
  • Ĉar la 21a ne estis itala reprezentanto en la greka kapitulaco, Mussolini devigis al nova kapitulaco antaŭ la italoj en Saloniko.
• 24-a de aprilo:
  • La britoj retiriĝis el la Termopiloj. La reĝo Georgo la 2-a de Grekio kaj lia registaro fuĝis al Kreto.
  • Tria nokto de aeratakoj al Portsmouth.
• 25-a de aprilo:
  • La germanoj okupis la insulon Lemnos.
  • Britoj kaj usonanoj decidis helpi finance la registaron de Ĉinio.
• 26-a de aprilo: Germanaj paraŝutstoj konkeris la zonon de la Korinta kanalo.
• 27-a de aprilo:
  • La germanoj eniris en Ateno, kien ili instalis la pupan registaron de la generalo Georgios Colakoglu.
  • La brito bombardadis Emden.

Germanaj soldatoj pretas hisi la germanan militflagon en la Akropolo de Ateno.

• 28-a de aprilo:
  • La italoj konkeris Korfuon.
  • La germanoj bombardadis Plymouth.
  • Konkero de Sollum, en la marbordo de Egipto.
• 29-a de aprilo:
  • En la Regno Irako, la naciisma estro Raŝid Ali malpermesis la eniron en la lando de pliaj britaj trupoj.
  • Finis la Operaco Demon por evakui la britajn trupojn el Grekio.
• 30-a de aprilo: Finis la konkero de la Reĝlando Grekio fare de la germanoj post 25 tagoj.

Majo

• 1-a de majo:
  • La Festo de Laboro en Sovetunio iĝis montro de la militkapablo de la soveta armeo al ĉeestantaj germanoj.
  • Bombardado fare de germanoj de Liverpool kaj Birkenhead.
  • La Usona Mararmeo translokigis sian floton de la Pacifiko el San Diego al Pearl Harbor.
  • La Admiralo Isoroku Yamamoto konsideris, ke la translokigo de la militfloto de Usono al Havajo "estas egale al ponardo indikanta al niaj gorĝoj."
• 2-a de majo:
  • Armita ribelo en la Reĝlando Irako kontraŭ la brita okupacio.
  • Amin al-Husajni, Granda Muftio de Jerusalemo, alvenis al Berlino kie li restos ĝis la fino de la milito.
• 3-a de majo:
  • Germanoj kaj italoj paradas tra Ateno.
  • En Irako, la britaj fortoj luktas kontraŭ la insurekciantoj.
  • Bombardado de germanoj sur Belfast kaj Liverpool.
• 4-a de majo: La germanoj, kiuj okupas la insulojn de Mitileno kaj Ĥio, akiris la kontrolon de la Egea Maro.
• 5-a de majo: La Luftwaffe bombardadis Glasgovon kaj Liverpulon.
• 6-a de majo: Interkonsento inter Germanio kaj la Francio de Vichy, laŭ kiu la Luftwaffe povos uzi bazojn en la Sudo de Francio kaj en Sirio.
• 7-a de majo:
  • Kroatio unuiĝis al la Triparta Akso.
  • Bombardado sur Liverpulo kaj Hull.
  • La RAF bombardadis Bagdadon.
• 8-a de majo: La germanoj atakis Hull, Humberside, Nottingham, Sheffield kaj Londono.
• 9-a de majo: 359 bombaviadiloj de granda agoradio atakis Bremenon kaj Hamburgon.
• 10-a de majo:
  • Atako de 500 aviadiloj sur Londono, kiu damaĝis la konstruaĵojn de la Brita Muzeo, la Abatejo de Westminster kaj la Komunuloj, krom okazigi pli ol 3 000 mortojn. Estis atakitaj ankaŭ Hull, Liverpulo kaj Belfasto, kaj la britoj atakis Berlinon kaj Hamburgon.
  • Sekreta flugo de Rudolf Hess, kiu surteriĝis en Skotlando la 11an, cele al ŝajna klopodo alveni al interkonsento kun la britoj.
  • La RAF bombardadis Hamburgon.
• 11-a de majo: Forta bombardado sur Londono.
• 12-a de majo: Britaj trupoj okupis Basora, en la Regno Irako.
• 13-a de majo:
  • Estis fondita la naciisma gerila organizo de Ĉetnikoj fare de Draguljob Mihajloviĉ kiel forto fidela al la jugoslava monarkio en la ekzilo.
  • Heligoland estis atakita de la brita aviadilaro.
  • La Malsupra Stirio estis donita de Kroatio al Germanio.
• 15-a de majo:
  • Kontraŭofensivo de britoj al Sollum. Unua klopodo por rekuperi Tobrukon.
  • Kreto estis forte bombardita de la germana aviadilaro.
• 16-a de majo:
  • La Luftwaffe atakis Birmingham per 111 bombaviadiloj.
  • Islando rompis sian union kun Danio.
  • La RAF bombardadis aerodromojn en Sirio.
• 17-a de majo: Finis la batalo de Amba Alagi pere de kapitulaco de italoj. Etiopio estis liberigita.
• 18-a de majo: Mussolini nomumis Aimone Torino, duko de Spoleto, reĝo de Kroatio nome Tomislav la 2-a. Krome Kroatio donis al Italio Dalmation kaj kelkajn dalmatiajn insulojn, kreante la italan Gubernion Dalmatio.
• 20-a de majo: Batalo de Kreto: 15 000 germanaj paraŝutistoj de la generalo Kurt Student invadis la kretan insulon.
• 21-a de majo: Operaco Circus de la RAF: la celo estis la naftorafinejo de benzeno de Bethune.
• 23-a de majo: La germana aviadilaro atakis la britan ŝiparon en akvoj de Kitero.
• 24-a de majo: La Brita Mararmeo persekutas en Atlantiko la germanan kirasŝipon Bismarck, kiu vrakigis la britan kirasŝipon Hood.
• 25-a de majo: La reĝo Georgo la 2-a de Grekio kaj lia sekvantaro foriris el Kreto al Egipto.
• 27-a de majo:
  • La germana kirasŝipo Bismarck estis vrakigita de la brita ŝiparo de la admiralo John Tovey.
  • Rommel retirigis Archibald Wavell en la egipta landlimo.
• 28-a de majo: Startis la brita evakuado el Kreto, kio daŭris ĝis la 31a.
• 30-a de majo: La irakanoj haltigis reziston kontraŭ la britoj; Raŝid Ali rifuĝiĝis en Germanio kie li restos dum la cetero de la milito. Bagdado estis okupita.
• 31-a de majo: La irakanoj subskribis la batalĉeson kun la britoj.

Junio

• 1-a de junio:
  • La Luftwaffe bombardadis Manĉesteron per 110 aviadiloj.
  • Okupacio totala de Grekio fare de germanoj post la falo de Kreto.
• 2-a de junio:
  • Promulgado en Francio de speciala statuso por judoj.
  • Kunsido de Hitler kaj Mussolini en Brennero por analizi la hispanan situacion kaj la estontecon de la rilatojn kun Sovetunio.
• 3-a de junio: Pere de la konkero de Mosulo kaj de ties nafto la britoj finigis oficiale la irakan insurekcion.
• 4-a de junio: La Luftwaffe bombardadis Aleksandrion.
• 5-a de junio:
  • Ĉongĉingo, Ĉinio: 4 000 civiluloj mortis asfiksie en tunelo dum japana bombardado.
  • La germanoj finpreparis aranĝojn por la Operaco Barbaroso, nome surpriza atako al Sovetunio.
• 7-a de junio: Kunsido de Hitler kun la reĝo Boriso la 3-a de Bulgario por fiksigi la kontribuon de tiu lando en la kampanjo kontraŭ Sovetunio.
• 8-a de junio: La britoj kaj la Fortoj de Libera Francio eniris en Sirion.
• 9-a de junio: La degaŭlistoj konkeris Tiron.
• 11-a de junio: La italoj perdis sian lastan pozicion en la Ruĝa Maro, nome la haveno de Asabo.
• 12-a de junio:
  • Ion Antonescu, rumana registarestro, estis ricevita de Hitler kiu informis al li pri la tuja atako al Sovetunio, por kio li enkalkulis kun la kunlaborado de la Regno Rumanio.
  • Fortaj aerbataloj super la insulo Malto.
• 13-a de junio: La trupoj de la generalo De Gaulle finkonkeris Libanon.
• 14-a de junio:
  • Usono decidis la fermon de la konsulejoj de la Regno Italio kaj de Germanio same kiel la blokadon de la havaĵoj de ambaŭ landoj en sia teritorio.
  • Italaj aviadiloj bombardadis Aleksandrion.
• 15-a de junio:
  • Sovetunio dekretis la ĝeneralan movilizon.
  • Operaco Batalakso, nome brita ofensivo en Sidi Barrani, en Nordafriko, kiu estos haltigita en la Montopasejo Halfaja. Dua klopodo rekuperi Tobrukon.
• 17-a de junio: En Ankaro oni subskribis amikectraktaton inter turkoj kaj germanoj por periodo de 10 jaroj.
• 18-a de junio: Aeratakoj de RAF super Ruhr.
• 19-a de junio: Brita malvenko en Sollum.
• 21-a de junio:
  • Ribelo en Litovio, la aŭtonoma soveta registaro estis elpostenigita kaj la ribeluloj proklamis la sendependecon de la lando.
  • Winston Churchill anstataŭis la Ĉefkomandanton Archibald Wavell en la estreco de Nordafriko pro la lastaj ofensivaj malsukcesoj. Li estis anstataŭita de la generalo Claude Auchinleck.
  • La restaĵoj de la itala armeo en Orienta Afriko rezistis en la zono de la lago Tana, kie ili rezistos ĝis novembro.
  • La liberaj francoj eniris en Damaskon.

Germanaj trupoj de 3a Panzer Armeo survoje ĉe Pruĵani, junio 1941.

• 22-a de junio:
  • Startis la Operaco Barbaroso: Germanio invadis Sovetunion sen antaŭa militdeklaro. Italio kaj Rumanio deklaris militon al Sovetunio.
  • En Jugoslavio proksime de la urbo Sisak en la arbaro de Brezovica grupo de civitanoj deklaris la Militon de Liberigon de Jugoslavio.
• 23-a de junio:
  • La germanoj konkeris Grodnon, Belorusio.
  • Slovakio deklaris la militon al Sovetunio.
  • La soveta aviadilaro bombardadis la rumanajn naftokampajn instalaĵojn en Ploiesti.
  • La Luftwaffe bombardadis intense Damaskon.
• 24-a de junio:
  • Hitler instaliĝis por la unua fojo en generala stabanejo de Orienta Prusio nome Wolfsschanze (Lupa remparo). Ĝi estis en la arbaroj oriente de Rastenburg (en germana) (aktuale Ketrzyn (en pola kaj en Pollando)).
  • Estis okupitaj de nazioj Bresto, Vilno, Kaŭno kaj Rivno.
  • La Germana Episkoparo apogis la militon kontraŭ Sovetunio.
• 25-a de junio:
  • Startis la Daŭriga milito inter germanoj kaj finnoj kontraŭ Sovetunio.
  • Finnlando deklaris militon al Sovetunio, dum la Reĝlando Hungario (la 27a) kaj Albanio (la 29a).
  • Okazis samtempe tri bataloj por ĉirkaŭigo: en Brest-Litovsk, en Białystok-Minsk kaj en Uman.
• 26-a de junio:
  • La Luftwaffe bombardadis Leningradon.
  • La germanoj konkeris Daugavpils kaj trapasis la riveron Daŭgavo.
  • Mussolini sendis tri diviziojn kontraŭ Sovetunio, estrita de la generalo Giovanni Messe.
• 29-a de junio: Finna ofensivo kontraŭ Sovetunio en Karelio.
• 30-a de junio:
  • La germanaj trupoj konkeris Lvovon, Ukrainio en Sovetunio.
  • Rompo de la diplomataj rilatoj inter Francio de Vichy kaj Sovetunio.
  • La RAF bombardadis Emden.

Julio

• 1-a de julio:
  • Ofensivo de la RAF sur la Manika Markolo, Germanio kaj la nordo de Francio.
  • La ĉefurbo de Latvio, Riga, estis konkerita de la germanoj.
• 2-a de julio:
  • Venka antaŭeniro de la Grupo de Centraj Armeoj estritaj de la marŝalo Fedor von Bock en Belorusio.
  • Japanio ordonis la listigon de unu miliono de homoj.
• 3-a de julio:
  • Palmiro, en Sirio, estis okupita de franc-britoj.
  • Dekreto de Stalino por aplikigo de la politiko de "bruligita tero"" en la areoj kiuj estas abandonitaj.
• 4-a de julio:
  • La RAF bombardadis Bremenon.
• 5-a de julio:
  • La Centra Komitato de la Komunisma Partio de Jugoslavio decidis la armitan insurekcion kontraŭ la okupacion de la lando fare de eksterlandaj trupoj.
• 6-a de julio:
  • Los británicos rompen las defensas de Beirut.
  • Rusa kontraŭatako en Belorusio, kiu estos tuj haltigita.
• 7-a de julio: Alvenis al Islando kaj al Gronlando la unuaj usonaj marfortoj.
• 8-a de julio: La germanoj konkeris Pskov, Rusio.
• 9-a de julio: Soveta malvenko en Minsk, Belorusio, kiu estis konkerita de la germanoj, kiuj faris 287 000 prizonulojn.
• 10-a de julio:
  • Startis la batalo de Tartu, en Estonio, inter estonaj partizanoj kaj sovetanoj.
  • Latvio estis totale okupita de nazioj.
  • Oni kreis en Moskvo la Alta Stabanaro de la Centra Partizana Movado, kies misio estis organizi la gerilan luktadon en la teritorioj okupitaj de la malamiko.
  • Startis la batalo de Smolensko, en Rusio.
  • Ofensivo de la Norda Armeo estrita de la marŝalo Wilhelm Ritter von Leeb al Leningrado.
  • La angloj konkeris Bejruton, en Libano.
• 11-a de julio: La germanoj bombardadis la zonon de la Sueza Kanalo.
• 12-a de julio:
  • Granda Britio kaj Sovetunio subskribis Pakton de Milita Helpo.
  • Montenegro deklaris sian sendependecon sub la ŝirmo de la Potencoj de la Akso.
• 13-a de julio:
  • Okazis insurekcio en Montenegro kontraŭ la registaro kaj la italaj trupoj de okupacio.
  • Eliris el Madrido la unuaj unuoj de la Blua Divizio voje al Germanio.
• 14-a de julio: La Registaro de Vichy subskribis en Sirio la batalĉeson kiu finigis la militemon kun Granda Britio en tiu sektoro.
• 15-a de julio: La sovetoj kontraŭatakis en la zono de Novgorodo.
• 16-a de julio: Smolensko falis antaŭ la germanoj, same kiel filo de Stalino, nome Jakov Ĝugaŝvili.
• 17-a de julio:
  • Oni kreis la Reichskommissariat Ostland kiu estis la administracia unuo de la teritorioj okupaciitaj de la Akso en Orienta Eŭropo.
  • La germanoj konkeris Kiŝinevon, ĉefurbo de Besarabio.
  • Oni deklaris devigan militservon en Kanado.
  • La sovetanoj ree estis venkitaj apud Kievo.
• 18-a de julio:
  • Bombardado de germanbj sur Hull kiu okazigis multajn civilajn viktimojn.
  • Nova registaro en Japanio de la princo Fumimaro Konoe.
  • Stalin petis al Churchill malfermon de dua fronto por malfortigi la Wehrmacht.
• 19-a de julio: La RAF bombardadis Hanoveron.
• 20-a de julio: La RAF bombardadis Napolon kaj Kolonjon.
• 21-a de julio:
  • La rusoj retiriĝis trans la rivero Dnestro.
  • Aeratako de la Luftwaffe sur Moskvo.
• 22-a de julio: La Luftwaffe faras duan bombardadon de Moskvo.
• 23-a de julio: Brest-Litovsk, sieĝita el la 22a de junio, kapitulacis.
• 24-a de julio:
  • La Luftwaffe bombardadis Moskvon.
  • La francaj havenoj de la Kanalo estis bombarditaj de grandaj bombaviadiloj.
• 26-a de julio:
  • Roosevelt deklaris la staton de alarmo en la insuloj Havajo kaj samtempe malpermesis la vendadon de nafto al Japanio.
  • Blokado de la japanaj havaĵoj en Usono.
  • Japana elŝipiĝo en la Franca Hindoĉinio.
• 27-a de julio:
  • La unuaj japanaj trupoj alvenis al Sajgono.
  • Post kelkaj semajnoj de trankvileco la Luftwaffe denove bombardadis Londonon.
• 28-a de julio: La jugoslavaj partizanoj eniris en Užice, kaj kreis teritorion liberan de la eksterlanda okupacio.
• 29-a de julio: Franc-japana interkonsento por la komuna defendo de Hindoĉinio.
• 30-a de julio: Oni subskribis en Londono pactraktaton inter Sovetunio kaj la pola registaro en la ekzilo.
• 31-a de julio:
  • La finnoj atakis en la istmo de Karelio cele al la rekonkero de la teritorioj perditaj en 1940.
  • Talino, ĉefurbo de Estonio, estis okupita de la germanoj.

Aŭgusto

• 1-a de aŭgusto:
  • Rusa kontraŭofensivo en la centra fronto.
  • La sovetanoj bombardadis Konstancon, marbordan urbon de Rumanio.
• 2-a de aŭgusto: La RAF bombardadis Kiel kaj Hamburgon.
• 3-a de aŭgusto: Forta brita bombardado sur la haveno de Bresto, en Bretonio.
• 5-a de aŭgusto: La britoj sendis plifortigojn al Singapuro.
• 7-a de aŭgusto: La soveta aviadilaro bombardadis Berlinon por la unua fojo.
• 8-a de aŭgusto:
  • En la Sakstrato de Uman, en la suda fronto, la sovetaj armeoj estis venkitaj. Oni faris prizonuloj 103 000 soldatojn.
  • La japana ambasadoro en Vaŝingtono, nome admiralo Kiĉisaburō Nomura, proponis kunsidon inter Roosevelt kaj sia ĉefministro, nome la princo Fumimaro Konoe.
• 9-a de aŭgusto:
  • En Leningrado, antaŭ la alproksimiĝo de la germana armeo, oni pliampleksigis la movilizon al la tuta loĝantaro inter 15 kaj 55 jaroj.
  • Starto de la Konferenco de Atlantiko inter Roosevelt kaj Churchill en Novtero.
  • Starto en la zono centra de Sovetunio la batalo de Gomelo.
  • La sovetanoj estis venkitaj en Staraja Russa.
• 11-a de aŭgusto:
  • Ofensivo de la generalo Gerd von Rundstedt al la Nigra Maro
  • Ĝenerala movilizo en Japanio.
• 12-a de aŭgusto:
  • La RAF bombardadis la elektrajn centralojn de Knapsack kaj Quadrath en la ĉirkaŭoj de Kolonjo.
• 13-a de aŭgusto:
  • La germanoj startigis la ofensivon kontraŭ Leningrado.
  • La RAF faras gravan bombardadon sur Berlino.
• 14-a de aŭgusto:
  • La RAF bombardadis Hanoveron, Magdeburgon kaj Brunsvigon.
  • Subskribo de la Atlantika Ĉarto inter Roosevelt kaj Churchill en Novtero.
• 16-a de aŭgusto:
  • La finnaj trupoj rekonkeris Viborg. La sovetanoj evakuis la istmon de Karelio.
  • La germanoj konkeris la ŝipan bazon de Mikolajivo en la Nigra Maro.
• 17-a de aŭgusto:
  • La germanoj konkeris Narva, en la balta marbordo de Estonio.
  • La germanoj trapasis la riveron Dnepro ĉe Dnipropetrovsko.
  • Ultimato brit-soveta al Persio postulanta al Teherano, inter alia ke oni forpelu la germanan kolonion.
• 18-a de aŭgusto: Startis la batalo de Kairala per fortaj atakoj de la finnaj kaj germanaj trupoj.
• 20-a de aŭgusto:
  • Survoje al Leningrado la germanoj konkeris Gatĉina.
  • En Ukrainio la fortoj de la Akso okupaciis Ĥersonon, nome la enirejo al Krimeo.
• 21-a de aŭgusto: La germanoj tranĉis la fervojon inter Moskvo kaj Leningrado.
• 22-a de aŭgusto: La germanoj konkeris Novgorodon.
• 24-a de aŭgusto: Fino de la batalo de Gomelo per la nuligo de la 21a soveta armeo.
• 25-a de aŭgusto:
  • La sakostrato de Smolensko estis nuligita.
  • La britaj kaj sovetaj trupoj eniris en Irano.
  • Startis la Batalo de Kievo.
• 27-a de aŭgusto:
  • Atenco kontraŭ la eks-ministroj de la Registaro de Vichy, nome Pierre Laval kaj Marcel Déat en Versajlo.
  • La progermana ŝao Reza Pahlavi, estis ekzilita kaj anstataŭita en la trono de sia filo Mohammad Reza Pahlavi.
• 28-a de aŭgusto:
  • La germanoj konkeris Dnipropetrovskon, en Ukrainio.
  • La germanoj konkeris Talinon.
• 29-a de aŭgusto:
  • La germanoj okupis Talinon, nome ĉefurbo de Estonio, kaj tiele de la tuta lando fare de la nazioj.
  • La RAF bombardadis la germanan urbon Frankfurto ĉe Majno.
  • Milan Nedić ekestris la Registaron de Nacia Savo de Serbio.
• 30-a de aŭgusto: Luksemburgio estis oficiale aligita al la Tria Regno.

Septembro

• 1-a de septembro: La germanoj okupis Karelion.
• 2-a de septembro:
  • La nazioj alvenis je 25 km el Leningrado.
  • Bombardado de la RAF sur Kolonjo kaj Berlino.
• 3-a de septembro: Novaj britaj bombardadoj sur Kolonjo kaj Berlino.
• 4-a de septembro: En Karelio, la finnoj venkis definitive la 7an sovetan armeon.
• 5-a de septembro:
  • La germana artilerio bombardadis Leningradon.
  • Estonio estis finfine okupita de la germanoj.
• 6-a de septembro: La usona embargo de nafto kaj metalo malpliigis la japanajn rezervojn. La japanaj militestroj decidis ataki kaj Usonon kaj Unuiĝintan Reĝlandon se ne estas solvo por la diplomatia problema por la 10-a de oktobro.
• 7-a de septembro:
  • Intensa aeratako de la RAF sur Berlino.
  • La germanoj eksuferigis Leningradon je intensa bombardado kaj el aero kaj el artilerio.
• 8-a de septembro:
  • La germanoj startigis la Operacon Beowulf, nome la invadon de la insuloj de Estonio. Ili okupis la insulon Vormsi.
  • La rusaj trupoj kontraŭatakis sudoriente de Smolensko kaj rekuperis Jelnja.
  • Startis la Sieĝo de Leningrado.
• 9-a de septembro: Leningrado iĝis izolita fare de la malamikaj trupoj escepte pro la akvoj de la lago Ladoga.
• 10-a de septembro: La generalo Georgij Ĵukov iĝis respondeculo pri la defendo de Leningrado.
• 11-a de septembro: La usona floto ricevis la ordonon pafi kontraŭ germanaj ŝipoj en akvoj de defendo. Antaŭaĵo estis pafinterŝanĝo inter usona torpedŝipa caŝilo Greer kaj la germana U 652, norde de Islando.
• 12-a de septembro:
  • En la zonoj de Romni kaj Rovno, en Ukrainio, la germanoj ĉirkaŭas kelkajn sovetajn diviziojn.
  • La RAF bombardadis la germanan urbon Frankfurto ĉe Majno.
  • Rommel avertis al Berlino pri la neceso pliigi liajn liverojn por konkeri Egipton.
• 13-a de septembro:
  • La germanoj okupis Konstantinovka, en la suda fronto.
  • La germana aviadilaro bombardadis Leningradon.
• 14-a de septembro:
  • La germanoj konkeris Mirhorodon, mezvoje inter Kievo kaj Ĥarkovo.
  • La germanoj okupis la insulon Muhu, apartenanta al Estonio.
  • La RAF bombardadis Hamburgon kaj Bremenon.
  • Finis la Konferenco de Atlantiko per kuna deklaro inter Roosevelt kaj Churchill en Novtero.
• 15-a de septembro: La germanaj armeoj de Centro kaj Sudo kontaktiĝis en Kievo.
• 16-a de septembro: La germanoj bombardadis Kairon.
• 17-a de septembro:
  • Fortaj atakoj kaj bombardado sur Leningrado.
  • La germanoj plue antaŭeniris en Ukrainio kaj konkeris Poltavon.
• 19-a de septembro: 600 000 rusak soldatoj estis kaptitaj per pinĉila movado inter Kievo kaj ties okcidento.
• 20-a de septembro: La germanoj atakis aere la ŝipan bazon de Leningrado, nome Kronstadt.
• 22-a de septembro: La fronto de Leningrado stabiliĝis sed Kronstadt plue estis bombardita.
• 23-a de septembro: De Gaulle konstituis en Londono la Nacia Komitato de la Libera Francio, agnoskita la 26an fare de Sovetunio.
• 25-a de septembro: Startis la germana ofensivo al Krimeo.
• 26-a de septembro: La germanoj konkeris Kievon.
• 27-a de septembro:
  • Reinhard Heydrich, estro de la SS, estis nomumita protektanto de la Tria Regno en la Protektorato Bohemio kaj Moravio.
  • En Itala Orienta Afriko okazis la kapitulaco de la itala soldataro de Amharo.
  • Georges Catroux, generalo de la Fortoj de Libera Francio, proklamis la sendependecon de Sirio.
  • La germanoj startigis en Serbio la Unuan Kontraŭpartizana Ofensivo, per kiu ili finigis la mallongdaŭran Respublikon Užice.
• 30-a de septembro:
  • Starto de la germana militofensivo kontraŭ Moskvo, per 2 000 000 da homoj, 5 000 tankoj kaj pli ol 5 000 aviadiloj.
  • La finnoj venkis sur la sovetanoj en Petrozavodsk.

Oktobro

• 1-a de oktobro:
  • Konferenco de Moskvo por precizigi la uson-britan helpon al Sovetunio.
  • La germanoj okupis la imperian rezidejon Csarskoje Selo, en la norda zono de Leningrado.

Sovetaj kontraŭ-aviadilaj pafistoj sur la tegmento de la Moskva hotelo dum la Batalo de Moskvo.

• 2-a de oktobro:
  • Startis la Batalo de Moskvo pere de la ofensivo de la Wehrmacht por konkeri la ĉefurbon pere de la Operaco Tajfuno.
  • Startis la Batalo de Vjazma, en Sovetunio.
• 3-a de oktobro:
  • Pio la 12-a kritikis la politikon de steriligo kaj de rasaj limigoj en geedzeco promulgitaj de nazioj.
  • La RAF bombardadis la nederlandan havenon de Roterdamo.
  • En Brita Hindio, Gandhi alvokis al pasiva rezistado kontraŭ la britoj en la kolonioj.
• 4-a de oktobro: Usono haltigis sian liveradon el nafto al Japanio.
• 7-a de oktobro: La germanoj okupis Vjazma, en Sovetunio.
• 8-a de oktobro: La germanoj okupis Orel, kaj poste Brjanskon, en Sovetunio.
• 9-a de oktobro: La germana aviadilaro bombardadis Suezon.
• 10-a de oktobro: Finis la limdaton kiun la japanaj militestroj estis donintaj al la diplomatoj por finigi la usonan embargon el nafto kaj metalo.
• 12-a de oktobro:
  • En Moskvo, estis evakuitaj virinoj kaj infanoj pro la proksimeco de la germanoj.
  • La germanoj okupis Kaluga, en Sovetunio.
  • La RAF bombardadis Nurembergon.
• 14-a de oktobro: Gerd von Rundstedt konkeris Mariupolon. Falo de Kalinino.
• 15-a de oktobro: La sakostrato de Vjazma estis evakuita de la sovetaj trupoj, kiuj perdis 670 000 homojn.
• 16-a de oktobro:
  • Formado de la registaro de Tojo en Japanio.
  • La rumanoj konkeris la sovetan urbon Odeso post du monatoj de sieĝo.
• 17-a de oktobro: La soveta registaro eliris el Moskvo kaj setliĝis en Kujbiŝev.
• 18-a de oktobro: Rumanio aneksiĝis la ukrainan Moldavion kiu estis nomita Transnistrio.
• 19-a de oktobro: Oni proklamis la sieĝan staton en Moskvo.
• 20-a de oktobro: La RAF bombardadis Bremenon.
• 21-a de oktobro:
  • La dua atako al Moskvo estis repelita de la rusoj.
  • Oni fidis al marŝalo Ĵukov la defendon de Moskvo.
  • En Kragujevac, Jugoslavio, la germanoj murdis 730 personojn. Estis reprezalio pro la unuaj militagoj fare de la jugoslavaj partizanoj.
  • La RAF bombardadis Napolon.
• 22-a de oktobro:
  • Reprezalioj en Francio post la murdo de du naziismaj oficiroj: murdo de ostaĝoj en Châteaubriant, Nantes kaj Bordozo.
  • La germanoj okupis Stalino, aktuala Donecko, en Ukrainio.
• 23-a de oktobro: la RAF bombardadis Kiel.
• 24-a de oktobro: La germanoj okupis Ĥarkovon kaj sekvis sian ofensivon direkte al Krimeo.
• 26-a de oktobro:
  • En la Orienta Fronto la temperaturo subite falegis.
  • La RAF bombardadis Hamburgon.
• 29-a de oktobro: Norde de la rusa ĉefurbo, la germanoj konkeris Volokolamsk.
• 30-a de oktobro: Startis la Sieĝo de Sebastopolo, en Krimeo, Sovetunio.

Novembro

• 2-a de novembro:
  • La germanoj konkeris Kursk, en Rusio.
  • La RAF bombardadis Bengasi kiel preparo de la estonta brita ofensivo.
• 3-a de novembro: La rusoj bombardadis Helsinki.
• 4-a de novembro:
  • La tria atako al Moskvo estis haltigita.
  • La RAF bombardadis Bengasi kaj Derna, en Itala Libio.
• 7-a de novembro:
  • La britoj bombardadis Brindisi.
  • La RAF atakis Berlinon, Mannheim kaj la industrian regionon de la baseno de rivero Ruhr.
• 8-a de novembro: Bombardado de Hamburgo.
• 9-a de novembro: La germana konkero de Tiĥvin tranĉis la fervojon al Leningrado kak komplikigis la liveron al la urbo. La sovetanoj decidis konstrui vojon tra la Lago Ladoga por alporti liveraĵojn profitante la frostiĝon de la lago.
• 10-a de novembro: Plifortigoj devenaj el Siberio ekalvenis grandkvante al la fronto de Moskvo.
• 13-a de novembro: La brita aviadilŝipo Art Royal estis vrakigita en akvoj de Ĝibraltaro.
• 15-a de novembro: La germanoj konkeris Jalton kaj la tutan Krimeon, escepte de Sevastopolo.
• 16-a de novembro: Granda germana ofenso al Moskvo per pli ol 50 divizioj.
• 17-a de novembro: Ĉiang Kai-ŝek, generalo de la ĉina armeo, petis militagadon de la demokratiaj landoj por defendi sin el la japana agreso.
• 18-a de novembro:
  • Operaco Crusader, nome ofensivo de la 8a brita armeo kontraŭ Rommel en Cirenaiko. Tria kaj definitiva klopodo por rekuperi Tobrukon, kiu estis poste perdita.
  • Revizio de la Akto de Neŭtraleco en Usono.
• 19-a de novembro: Germana ofensivo al Rostov-na-Donu, kiu perdiĝis finfine la 22an.
• 21-a de novembro: La germanoj ekinvadis la regionon de la Donecka Baseno, kie estas la 60% de la soveta industrio.
• 22-a de novembro: Batalo de Sidi Rezegho, kiu bremsis la britan ofensivon en Nordafriko.
• 23-a de novembro:
  • La germanoj trapasis la riveron Don kaj komenciĝis la batalo por Kaŭkazio.
  • la germanoj okupis Klin, nordoriente de Moskvo.
  • Kun interkonsento de la nederlanda registaro, Usono okupis milite la Nederlandan Gvajanon.
• 24-a de novembro: La RAF bombardadis Bengasi.
• 25-a de novembro:
  • Nova germana ofensivo al Moskvo per 40 divizioj, kiu estis haltigita de la rusoj.
  • Sovetaj atakoj en la suda fronto.
• 26-a de novembro:
  • Forta germana bombardado al Leningrado.
  • La japana Ŝiparmeo koncentriĝis en la Kuriloj.
  • La generalo Georges Catroux proklamis la sendependecon de Libano.
  • Oni rompis la negocadojn inter Usono kaj Japanio. La kondiĉoj de Vaŝingtono inkludis la japanan retirigon el Ĉinio kaj el Hindoĉinio kaj la rompo de la alianco kun Germanio.

Italaj pafistoj ĉe Tobruko.

• 27-a de novembro:
  • La sovetoj kontraŭatakis en la zono de Rostov.
  • En Gondar kapitulacis la lastaj italaj trupoj en Orienta Afriko.
  • Post la batalo de Sidi Azeiz inter germanoj kaj novzelandanoj, la aliancanoj rompis la Sieĝon de Tobruko.
  • La RAF bombardadis Napolon.
  • Usono metis en stato de alarmo siajn flotojn de Azio kaj Pacifiko.
• 29-a de novembro:
  • En Leningrado mortis ĉiutage ĉirkaŭ 400 personoj pro malsatego.
  • La japana ĉefministro, Hideki Tōjō estis informita de la atako kontraŭ Pearl Harbor en decembro, fare de la Alta Stabanaro de la Armeo.
  • Rostov-na-Donu estis rekonkerita de la soveta armeo.
  • En Jugoslavio germanaj fo9rtoj apogitaj de la Ĉetnikoj de la generalo Mihajloviĉ atakis la gerilanojn de Tito en Užice
• 30-a de novembro:
  • La germanoj inaŭguris la Koncentrejon de Theresienstadt (Terezín), norde de Prago.
  • La RAF bombardadis Hamburgon.

Decembro

• 1-a de decembro:
  • Kunsido Pétain-Goering en Saint-Florentin, Francio.
  • Tri sovetaj armeoj, devenaj el Azio, plifortigis la fronton de Moskvo. La sovetoj kontraŭatakis en Tula sude de la ĉefurbo.
  • En Imperia Konferenco okazinta en Tokio, la imperiestro Hirohito aprobis definitive la atakon al Pearl Harbor, Usono.
  • La Afrikakorps faris novan ofensivon, kaj devigis al retiriĝo denove la aliancanojn, kaj tiel restis Tobruko denove sieĝita.
• 2-a de decembro:
  • La germanoj alvenis al unuaj kvartaloj de Moskvo.
  • La finna registaro deklaris rekuperitaj la teritoriojn transigitajn al Sovetunio en 1940.
  • La sovetoj estis haltigitaj en Tula (Rusio).
• 3-a de decembro: En Krimeo, Mariupol estis rekonkerita de la sovetoj.
• 4-a de decembro: En la fronto de Leningrado, la sovetoj atakis por rekonkeri Tiĥvinon.
• 5-a de decembro:
  • Granda Britio, Kanado, Aŭstralio, Novzelando kaj Sudafriko deklaris la militon al Finnlando, Hungario kaj Rumanio.
  • La Ruĝa Armeo forpelis sukcese la germanan ofensivon kontraŭ Moskvo. La Wehrmacht, kiu estis jam je nur 30 km el Moskvo, estis devigita ekretiriĝi ĝis ĉirkaŭ 250 km diste. Moskvo liberiĝis de invado definitive fare de germanoj.

La usona prezidento Roosevelt subskribas la Militdeklaron kontraŭ Japanio unu tagon post la atako al Pearl Harbor: tio markis la militan eniron de Usono en la Dua Mondmilito.

• 6-a de decembro:
  • Rusa kontraŭofensivo en la tuta fronto.
  • La 8a Brita Armeo kontraŭatakis en Nordafriko.
  • Atenco en Parizo kontraŭ okupaciaj fortoj.
  • La usona prezidento Roosevelt sendis al la Japana Imperiestro Hirohito alvokon por la paco.
• 7-a de decembro:
  • Atako al Pearl Harbor: Japanio atakis la usonan militbazon de Pearl Harbor, sen militdeklaro kontraŭ Usono.
  • Japanio deklaris militon al Usono, Granda Britio, Kanado kaj Aŭstralio.
  • Japana elŝipiĝo en Tajlando, la nura sendependa kaj neŭtrala lando de la zono, nome ĉe la haveno Singora.
  • Startis la Batalo de Vejkinsulo inter japanoj kaj usonanoj. La insuloj Gvamo kaj Vejkinsulo estis bombarditaj de la japanoj; ankaŭ Luzono kaj Mindanao suferis atakojn en havenoj kaj flughavenoj.
  • La japanoj okupis la internacian zonon de Ŝanhajo.
  • Rommel decidis ekretiriĝi el Nordafriko.
  • Bombardado de aliancanoj al Napolo.
• 8-a de decembro:
  • La sovetoj rekuperis Tiĥvinon en la fronto de Leningrado kie ili haltis.
  • Post la lastaj atencoj en Parizo, oni dekretis kurfon en la urbo.
  • Usono, Unuiĝinta Reĝlando, Aŭstralio, Kanado, Kostariko kaj Salvadoro deklaris militon al Japanio.
  • Bangkoko, la ĉefurbo de Tajlando estis invadita kaj okupaciita de la japanoj.
  • Batalo de Honkongo: Japanio atakis Honkongo.
  • Japanio invadis Filipinojn, elŝipiĝis en la insulo Lubango kaj okupis la insulojn Batanojn .
  • Japanaj trupoj elŝipiĝis en la nordoriento de la brita kolonio de Malajzio, en Kota Bharu, kaj tiel startis la Kampanjo de Malajzio.
  • La germanoj alvenis ĝis la Azova maro pere de la konkero de Mariupol.
• 9-a de decembro:
  • Ĉinio deklaris la militon al Germanio kaj Italio.
  • Libera Francio, Kubo, Haitio, Honduro, Panamo kaj Domingo deklaris la militon al Japanio.
  • La Gilbertaj Insuloj estis okupitaj de la japanoj.
  • Novaj aeraj bombardadoj al Manilo kaj al la flughavenoj de Filipinoj.
  • El Tajlando kaj al sudo de la duoninsulo de Malajzio la japanoj ekiris tra la ĝangalo al Singapuro.
• 10-a de decembro:
  • Sinkigo de la ŝipoj Prince of Wales kaj Repulse fare de la japana ŝiparo.
  • Gvatemalo kaj Sudafriko deklaris la militon al Japanio.
  • La 8a Brita Armeo rekonkeris Tobrukon kaj Sidi Barrani.
  • Batalo de la golfo de Siamo: la japana aviadilaro detruis la britan ŝiparon de Singapuro.
  • Japana elŝipiĝo en la filipina insulo Luzono.
• 11-a de decembro:
  • Germanio kaj Italio deklaris la militon al Usono.
  • Kostariko, Kubo, Gvatemalo kaj Haitio deklaris la militon al Germanio kaj Italio.
  • Nikaragvo deklaris la militon al la potencoj de la Akso Berlino-Romo-Tokio.
  • Bulgario, Slovakio, Kroatio kaj Manĉukuo deklaris la militon al la Aliancanoj.
  • Rumanio kaj Hungario deklaris la militon al Usono.
  • Post forta bombardado japana, klopodo de elŝipiĝo en Vejkinsulo estis forpelita de la usonaj marsoldatoj.
• 12-a de decembro:
  • La rusoj liberigis la regionon de Moskvo.
  • Honduro kaj Salvadoro deklaris la militon al Germanio kaj Italio.
  • La japanoj bombardadis Penangon, kaj okazigis altan nombron de civilaj viktimoj.
  • Hungario, Rumanio kaj Bulgario deklaris la militon al Usono.
  • Domingo deklaris la militon al Germanio.
• 13-a de decembro:
  • Marbatala venko de la britoj super la italoj en la Kabo Bon, Tunizio.
  • La japanoj okupis la usonan bazon de Gvamo, en la Marianaj Insuloj.
• 14-a de decembro: Tajlando devige subskribis traktaton de alianco kun Japanio.
• 15-a de decembro:
  • Irlando proklamis neŭtralecon.
  • Japanaj trupoj trairis la birman landlimon.
  • La hungaroj aneksigis parton de la jugoslava Vojvodino.
• 16-a de decembro:
  • Retiriĝo de germanoj en la tuta fronto de Rusio. La Ruĝa Armeo rekonkeris Kalinin.
  • La trupoj de Erwin Rommel maldeplojiĝis. Gazala estis okupita de la aliancanoj.
• 17-a de decembro:
  • La japanoj elŝipiĝis en Brita Borneo.
  • La japanoj okupis la insulon Penango, en Malajzio.
  • Unua Batalo de la Golfo de Sirto inter la itala kaj brita ŝiparo en Mediteraneo.
  • La Ruĝa Armeo rekuperis Kaluga.
• 18-a de decembro: La Aliancanoj okupis la areon de Portugala Timoro, en la Sundaj Insuloj.
• 19-a de decembro:
  • Hitler anstataŭigis la plej parton de la altaj militestroj, pro la malsukceso de la germana ofensivo kontraŭ Moskvo en la Operaco Barbaroso.
  • En Aleksandrio, italaj submaristoj atakis kaj damaĝis la britajn ŝipojn Queen Elizabeth kaj Valiant.
• 20-a de decembro:
  • Adolf Hitler alvokis la germanan civitanaron donaci ŝirmajn vestojn por la trupoj kiuj luktas en la fronto de Rusio.
  • La japanoj elŝipiĝis kaj okupis la insulon Mindanao, Filipinoj.
• 21-a de decembro:
  • Nova germana ofensivo al Malto.
  • Japanio faris aliancon kun Tajlando.
  • Novaj japanaj elŝipiĝoj en Luzono, en la Golfo de Lingajeno, minace rekte al Manilo.
• 22-a de decembro:
  • Unua konferenco Roosevelt-Churchill en Vaŝingtono por starigi komunan Altan Stabanaron.
  • La usonanoj bombardadis Davaon en Filipinoj.
  • La japanoj elŝipiĝis en la Golfo de Lingajeno, norde de Manilo.
• 23-a de decembro: Japanio okupis la Vejkinsulon.
• 24-a de decembro:
  • La japanoj bombardadis Rangunon, ĉefurbo de Birmo.
  • La Fortoj de Libera Francio okupis la insularon Sankta-Piero kaj Mikelono.
  • La britaj trupoj rekuperis Bengasi. Retiriĝo de Erwin Rommel en Cirenaiko.
• 25-a de decembro:
  • Falo de Hongkongo, kiu kapitulacis al japanoj
  • La japanoj atakis la ĉinan provincon Junano.
• 26-a de decembro:
  • La japanoj bombardadis Manilon spite ties deklaron kiel malferma urbo.
  • La japanoj okupis Ipoh, en Malajzio .
• 27-a de decembro: La RAF bombardadis Düsseldorf.
• 29-a de decembro: Rusoj elŝipiĝis sur la Kerĉa duoninsulo, Krimeo, kontraŭatakis kaj rekonkeris la havenan urbon.
• 30-a de decembro: En la fronto de Rusio, la germanoj rekonkeris Kaluga.

Vidu ankaŭ

• Tempolinio de la Dua Mondmilito