Šejby

	Šejby
	germane Scheiben
	vilaĝo
	Kapelo en Šejby
	Oficiala nomo: Šejby
Ŝtato	Ĉeĥio
Regiono	Sudbohemia regiono
Distrikto	České Budějovice
Administra municipo	Horní Stropnice
Historia regiono	Bohemio
Parto de	NP Novohrada montaro
Montaro	Novohrada montaro
Domoj	16 (2011)
Situo	Šejby
- koordinatoj	48° 43′ 40″ N 14° 46′ 26″ O / 48.72778 °N, 14.77389 °O (mapo)
Katastro	4,7 km² (470 ha) Šejby
Loĝantaro	11 (2021)
Denseco	2,34 loĝ./km²
Unua skribmencio	1360
Horzono	MET (UTC+1)
- somera tempo	MET (UTC+2)
Poŝtkodo	374 01
	Situo enkadre de Ĉeĥio Situo enkadre de Ĉeĥio
	Vikimedia Komunejo: Šejby
	Portalo pri Ĉeĥio

Koordinatoj: 48° 43′ 40″ N 14° 46′ 26″ O / 48.72778 °N, 14.77389 °O (mapo)

Šejby (germane Scheiben) estas vilaĝo en Ĉeĥio, parto de municipo Horní Stropnice en distrikto České Budějovice en Sudbohemia regiono. Ĝi situas proksime de aŭstra limo, sur mallarĝa ŝoseo kondukanta el Horní Stropnice ĝis aŭstra Harbach (parto de municipo Moorbad Harbach). Estas ĉi tie limpasejo Šejby – Harbach por piedirantoj kaj biciklistoj.^[1] Tra la limpasejo kondukas biciklovojo Via Verde kun naŭ haltejoj.^[2]^[3] En jaro 2021 en la vilaĝo vivis 11 loĝantoj.

Šejby estas ankaŭ nomo de katastra teritorio kun areo 4,7 km².

Historio

La unua skribmencio pri la vilaĝo devenas el la jaro 1360.

La vilaĝo estiĝis en la 12-a jarcento ĉe korto de bienulo Šejba. Iom post iom superis germana loĝantaro, kiu diris al la vilaĝo Scheiben. Grandaj agrikulturaj bienetoj kaj domoj estas konstruitaj sur deklivoj, super la valo, tra kiu trafluas rojo, kiu kreas unu el la unuaj alfluantoj de rivero Stropnice. Tra Šejby ofte iradis multnombraj aŭstraj pilgrimaj procesioj al preĝejo en Dobrá Voda ĉe Nové Hrady. Antaŭ la jaro 1938 estis en la loko doganejo. La 25-an de marto 1946 ĉiuj 171 loĝantoj de germana nacieco estis ellandigitaj. Poste la vilaĝo estis en limregiona zono, la eniro en ĝin tra patroloj de Limgardistaro estis fakte neebla.