Dobrá Voda (Horní Stropnice)

	Dobrá Voda
	germane Brünnl
	vilaĝo
	Centro de Dobrá Voda kun preĝejo
	Oficiala nomo: Dobrá Voda
Ŝtato	Ĉeĥio
Regiono	Sudbohemia regiono
Distrikto	České Budějovice
Administra municipo	Horní Stropnice
Historia regiono	Bohemio
Parto de	NP Novohrada montaro
Montaro	Novohrada montaro
Domoj	18 (2021)
Situo	Dobrá Voda
- alteco	695 m s. m.
- koordinatoj	48° 44′ 25″ N 14° 43′ 26″ O / 48.74028 °N, 14.72389 °O (mapo)
Katastro	1,31 km² (131 ha) Dobrá Voda u Horní Stropnice
Loĝantaro	56 (2021)
Denseco	42,75 loĝ./km²
Unua skribmencio	1259
Horzono	MET (UTC+1)
- somera tempo	MET (UTC+2)
Poŝtkodo	374 01
	Situo enkadre de Ĉeĥio Situo enkadre de Ĉeĥio
	Vikimedia Komunejo: Dobrá Voda (Horní Stropnice)
	Portalo pri Ĉeĥio

Por aliaj signifoj, bv. rigardi la apartigilan paĝon: Dobrá Voda

Koordinatoj: 48° 44′ 25″ N 14° 43′ 26″ O / 48.74028 °N, 14.72389 °O (mapo)

Dobrá Voda (germane Brünnl) estas vilaĝo en Ĉeĥio, parto de municipo Horní Stropnice en distrikto České Budějovice en Sudbohemia regiono. En Novohrada montaro estas sur nordorienta deklivo de monto Kraví hora baroka preĝejo kiel dominaĵo de la loko videbla dum klara vetero ĝis el regionoj de České Budějovice, Třeboň ktp. Dobrá Voda estis pro sia milde radioaktiva akvo kaj situo de la loko kun la plej pura aero en Bohemio eslserĉata kiel banloka loko. Ĝi estis la plej vizitata pilgrima loko en diocezo České Budějovice, kien venadis pilgrimoj ne nur el Bohemio kaj Aŭstrio, sed ankaŭ el Bavario, Moravio kaj el Hungarujo. En jaro 2021 en la vilaĝo vivis 56 loĝantoj.

Dobrá Voda situas en katastra teritorio Dobrá Voda u Horní Stropnice kun areo 1,31 km².

Historio

La unua skribmencio pri la vilaĝo devenas el la jaro 1259.

Dobrá Voda kaj ankaŭ proksima Hojná Voda estis fonditaj kiel banlokaj kaj pilgrimaj lokoj. Kuracaj efikoj de ĉi tieaj fontoj estis konataj de pratempoj. Fine de la 17-a jarcento revelaciis al paŝtisto el Bedřichov super unu fonto Virgulino Maria. Mallongtempe post tio okazis kelke da miraklaj resaniĝo. La domaro tiel diskreskis, ke la 30-an de junio 1707 ĝi estis avancita je urbo. Ĉar fluis ĉi tien homamasoj, lasis ĉi tie grafo Vojtěch Languevela Buquoy konstrui templon de Virgulino Maria (1708–1715), paroĥestrejon kaj banlokon. Apud la templo de nekonata konstruisto estis en la jaro 1718 konstruita kasteleto, rezidejo de Buquoy, en la jaro 1747 aldoniĝis lernejo.

La pilgrima sezono daŭris de sankta Floriano ĝis sankta Linharto (de la 5-a de majo ĝis la 6-a de novembro), dum kio ĉiujare venadis ĉi tien dekmiloj da pilgrimoj (en la unuaj jaroj post la konstruo de la templo oni taksis preskaŭ 60 mil da homoj). La pilgrimaj procesioj el Bohemio kaj Malsupra Aŭstrio venadis ĝis la jaro 1938. Post la jaro 1945 la loĝantaro de kampurbo Dobrá Voda estis ellandigita kaj komenciĝis detruado de konstruaĵoj, inkluzive de la rezidejo de Buquoy. Estis surŝutita ankaŭ ĉefa fonto kaj minacis detruo de la preĝejo. En la 1960-aj jaroj la tradicio de pilgrimoj estis denove renovigita. Dum normaligo Dobrá Voda komencis denove malkreski. Post la jaro 1989 ĝi reviviĝis pro merito de turisma viglo kaj pro merito de aŭstraj partoprenantoj de diservoj.