B-17 Bomber
| B-17 Bomber | |
|---|---|
|
| |
| Disvolvo | Mattel |
| Eldoninto | Mattel |
| Dato de lanĉo | 23-a de julio 1982 |
| Platformo | Intellivision |
| Ĝenro | Flugsimulada videoludo |
| Ludomaniero | unuludanta videoludo |
B-17 Bomber estas unuludanta flugsimulada videoludo publikigita de Mattel por ĝia videoludilo Intellivision en 1982. La ludo uzis la parolsintezan modulon Intellivoice.[1]
Ludomaniero
[redakti | redakti fonton]En B-17 Bomber, la ludanto kontrolas dum la Dua Mondmilito la bombaviadilon Boeing B-17, ofte kromnomatan « Flugantan Fortreson » (angle Flying Fortress). La celo de la ludo estas kompletigi misiojn per faligado de bomboj sur celojn en kontinenta Eŭropo, inkluzive de kontraŭaviadilaj pafiloj, flughavenoj, fabrikejoj kaj militŝipoj.
B-17 Bomber ludas kiel rudimenta flugsimulado, kiu modeligas altecon, aeran rapidecon, klinon kaj inklinon, fuelkonsumon kaj la efikojn de damaĝo. Malamikaj aviadiloj foje atakas la aviadilon de iu ajn direkto kaj devas esti detruitaj. La aviadilo ankaŭ povas ricevi fajron de flako-pafiloj surtere, kiuj estas detrueblaj per bombo. La ludo finiĝas kiam la aviadilo estas detruita.
Kiam malamika aviadilo atakas, la Intellivoice-modulo anoncas la direkton de la atako, instigante la ludanton turniĝi al tiu direkto por pafi reen. Kvankam B-17 Bomber estas ludebla sen la modulo, ĝi fariĝas tre malfacila ĉar la ludanto ne ricevas alian aŭdan signalon pri la alproksimiĝo de malamiko kaj devas diveni de kiu direkto la atako venas.
Recenzo
[redakti | redakti fonton]Danny Goodman de Creative Computing Video & Arcade Games diris en 1983 ke B-17 Bomber estis lia plej ŝatata Intellivoice-ludo, laŭdante la voĉojn kaj notante ke la ludo kaj aliaj "faris voĉon integran parton de ludado".[2] B-17 Bomber ricevis bonajn recenzojn, gajnante Atestilon de Merito en la kategorio de "Plej Bonaj Videoludaj Aŭd-vidaj Efektoj (Malpli ol 16K ROM)" en 1984 okaze de la 5-a jara Arcade Awards.[3]:42
Referencoj
[redakti | redakti fonton]- ↑ "Intellivision". Electronic Gaming Monthly. No. 91. Ziff Davis. February 1997. p. 100.
- ↑ Goodman, Danny (Spring 1983). "Home Video Games: Video Games Update". Creative Computing Video & Arcade Games. p. 32.
- ↑ (January 1984) “Arcade Alley: The Arcade Awards, Part 1”, Video 7 (10), p. 40–42.