Chomutov

	Chomutov
	germane Komotau
	urbo
	Placo en Chomutov
Flago	Blazono
	Oficiala nomo: Chomutov
Ŝtato	Ĉeĥio
Regiono	Regiono Ústí nad Labem
Distrikto	Distrikto Chomutov
Administra municipo	Chomutov
Historiaj regionoj	Bohemio, Sudetio
Parto de	Mosta baseno
Tipo de urbo	Statuta urbo
Konata loko	Aluna lago
Rivero	Chomutovka
Situo	Chomutov
- alteco	340 m s. m.
- koordinatoj	50° 27′ 46″ N 13° 24′ 40″ O / 50.46278 °N, 13.41111 °O (mapo)
Areo	29,26 km² (2 926 ha)
Loĝantaro	47 023 (2024)
Denseco	1 607,07 loĝ./km²
Unua skribmencio	1252
Horzono	MET (UTC+1)
- somera tempo	MET (UTC+2)
Poŝtkodo	430 01 ĝis 431 01
NUTS 3	CZ042
NUTS 4	CZ0422
NUTS 5	CZ0422 562971
Katastraj teritorioj	2
Partoj de urbo	1
Bazaj setlejunuoj	30
	Situo enkadre de Ĉeĥio Situo enkadre de Ĉeĥio
	Vikimedia Komunejo: Chomutov
	Retpaĝo: www.chomutov-mesto.cz
	Portalo pri Ĉeĥio

Koordinatoj: 50° 27′ 46″ N 13° 24′ 40″ O / 50.46278 °N, 13.41111 °O (mapo)

Chomutov (prononcu Ĥomutov) estas urbo en Ĉeĥio kun 47 023 loĝantoj (2024). Estas ĉi tie reprezentita industrio de brulmaterialoj (brunkarbo) kaj energetiko (hidroelektrejoj), metalurgia (ferfabriko kaj laminatejo), maŝinindustrio kaj teksindustrio. Chomutov estas signifa trafikvojkruciĝo; kruciĝas ĉi tie fervojoj el urboj Karlovy Vary, Žatec, Most kaj Vejprty. La ĉirkaŭaĵo de la urbo estas dezertigita pro supraĵa minado de brunkarbo.

La najbaraj municipoj de la setlejo estas Blatno, Droužkovice, Křimov, Černovice, Jirkov, Pesvice, Spořice, Údlice kaj Otvice.

Historio

La urbo, menciata unuafoje al la jaro 1252, estiĝis en vojo ĝis Lepsiko. En la jaro 1264 ĉi tie Ordeno de germanaj kavaliroj konstruis komendon. Chomutov estas urbo ekde la jaro 1335. En husanaj militoj la urbo staris en katolika flanko, tial ĝi estis konkerita de Jan Žižka kaj okupita de praganoj. Ekde la jaro 1571 ĝi estis posedaĵo de familio Hasištejnidoj el Lobkovice, kontraŭ kies rekatoligemaj klopodoj eksplodis en la urbo en 1591 granda ribelo. En la jaro 1605 Chomutov fariĝis reĝa urbo. Dum la tridekjara milito ĝi estis kelkfoje prirabita de svedaj soldataroj. En la 16-a jarcento oni komencis en la ĉirkaŭaĵo de la urbo mini ferercon, kiu pli malfrue (precipe en la 1-a duono de la 19-a jarcento) fariĝis bazo de evoluo de la industrio kaj de la minado de karbo. En la jaro 1870 Chomutov estis aligita al la fervojo. En la jaro 1938 estis evakuita ĉeĥa loĝantaro, en la fino de la dua mondmilito Chomutov estis kelkfoje bombardita.

La kerno de la urbo konservis al si mezepokan bazplanon. La frue gotika komendo de la ordeno de germanaj kavaliroj el la 2-a duono de la 13-a jarcento kun konservinta preĝejo estis en gotiko kelkfoje alikonstruita kaj en la jaroj 1525–1530 reguligita al kastelo. En la jaro 1607 la urbo elaĉetis sin el servuteco kaj la kastelo estis reguligita en urbodomon. La urba turo estas el la jaro 1525. En placo staras kelkaj malfrue gotikaj, renesancaj kaj barokaj burĝaj domoj. La plej valora estas domo de Collins-Luther kun diamantaj volboj (hodiaŭ kafejo).

En la konstruaĵo de la urbodomo havas sidejon patrujgrafia muzeo kun ekspozicio pri historio de minado kaj metalurgio en la regiono.