Unu el partoj de la vilaĝo akiris en la jaro 1534 per nupto Michal el Říčany. Verŝajne liaj filoj Václav kaj Jetřich konstruigis ĉi tie en la jaro 1589 sian rezidejon, renesancan kasteleton. Sed jam en la jaro 1637 sinjorejon Koldín aĉetis familiaro Oppersdorf kaj alligis ĝin al sia Častolovice kaj la kasteleto ĉesis esti sinjora rezidejo. En la 19-a jarcento en ĝi estis nur servistaraj loĝejoj kaj oficejoj.
Kasteleto Koldín kun mastruma korto estis konstruita sur malalta monteto en suda parto de la vilaĝo. Du-ala konstruaĵo kun ŝtupara rizalito fakte estas iuspeca evolua interfazo inter fortikaĵeto kaj kastelo. Sur korta flanko en la dua etaĝo troviĝas pilieraj arkadoj kun krucaj volboj. En teretaĝo, ornamita per bosaĵo, arkadoj estis en la 19-a jarcento masonfermitaj. Gablotegmentoj estas altaj, renesancaj pinjonoj membrigitaj per kornicoj. Sur okcidenta flanko konserviĝis sgrafitoj kun dato 1605. En teretaĝaj ĉambroj troviĝas originaj krestetaj volboj, en ŝtuparo kaj en koridoro estas renesancaj portaloj.
Preĝejo de Sankta Anna estas klasikisma ununava konstruaĵo el la jaro 1846, oblonga kun prisma turo sur okcidenta fronto kaj duoncirkle fermita presbiterejo, volbita per konĥo. La navo estas volbita per du plataĵoj. La altaro estas samtempa, el la 19-a jarcento.
Ĉeĥio
Vikimedia Komunejo: Koldín
Portalo pri Ĉeĥio
Eksa lernejo
Konstruaĵo n-ro 77
Tombejo
Bovinejo
Municipa ofico
