Rabštejnská Lhota

	Rabštejnská Lhota
	municipo
	Vido al Rabštejnská Lhota de Rabštejn
Flago	Blazono
	Oficiala nomo: Rabštejnská Lhota
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Chrudim
Historia regiono	Bohemio
Montaro	Fera montaro
Memorindaĵo	Rabštejnek burgo
Situo	Rabštejnská Lhota
- koordinatoj	49° 54′ 47″ N 15° 45′ 55″ O / 49.91306 °N, 15.76528 °O (mapo)
Areo	7,1 km² (710 ha)
Loĝantaro	879 (2024)
Denseco	123,8 loĝ./km²
Horzono	MET (UTC+1)
- somera tempo	MET (UTC+2)
Poŝtkodo	537 01 ĝis 538 21
NUTS 3	CZ053
NUTS 4	CZ0531
NUTS 5	CZ0531 556882
Katastraj teritorioj	2
Partoj de municipo	3
Bazaj setlejunuoj	3
	Situo enkadre de Ĉeĥio Situo enkadre de Ĉeĥio
	Vikimedia Komunejo: Rabštejnská Lhota
	Retpaĝo: rabstejnskalhota
	Portalo pri Ĉeĥio

Koordinatoj: 49° 54′ 47″ N 15° 45′ 55″ O / 49.91306 °N, 15.76528 °O (mapo)

Municipo Rabštejnská Lhota situas en Ĉeĥio, regiono Pardubice, distrikto Chrudim, sur norda rando de montareto Železné hory, 5 km sude de urbo Chrudim, kaj 4 km okcidente de urbo Slatiňany, ĉe ŝoseo n-ro 340 inter Chrudim kaj Seč. Vivas ĉi tie 879 loĝantoj (2024). Sudoriente de la vilaĝo troviĝas unika teritorio, protektata natura memoraĵo "Na Skalách" kaj en arbaro proksime de vilaĝa parto Rabštejn troviĝas ruinoj de la burgeto kun la sama nomo Rabštejn.

La najbaraj municipoj de la setlejo estas Mladoňovice, Stolany, Chrudim, Sobětuchy, Slatiňany, Liboměřice kaj Licibořice.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	434
1880	453
1890	513
1900	561
1910	593
1921	561

Jaro	Loĝantoj
1930	612
1950	551
1961	544
1970	515
1980	504
1991	560

Jaro	Loĝantoj
2001	595
2014	743
2016	777
2017	771
2018	783
2019	800

Jaro	Loĝantoj
2020	820
2021	831
2022	838
2023	854
2024	879

Partoj de municipo

Rabštejnská Lhota
Rabštejn
Smrkový Týnec

Vidindaĵoj

Rabštejnská Lhota

En centro de Rabštejnská Lhota estas herbokovrita vilaĝplaco kun popola kampanileto kaj monumento omaĝe viktimoj de la unua mondmilito. En la vilaĝo estas bonkvalitaj tenisludejoj kaj natura naĝejo.

Protektata teritorio

Oriente de la vilaĝo estas limo de protektata pejzaĝa regiono Železné hory kaj geologia naturmemoraĵo Na Skalách (Sur Rokoj) aŭ nove nomata Mořské pobřeží (Marbordo). Estas ĉi tie konservita manifestiĝo de mezozoika mara transgresio. Sur paleozoikaj kvarcitoj ĉi tie eksidas kretaceaj cenomanaj sabloŝtonoj. Interfaco de tiuj ĉi geologiaj eraoj, efektive inter si foraj ĉirkaŭ 200 milionoj da jaroj, estas ĉi tie tre akra. Kvarcitaj rulŝtonoj estas ŝlifitaj per ondoj de cenomana maro, kies bordo ĉi tie estis.

Burgeto

La malgranda burgo estis fondita en la 14-a jarcento sur rokaĵo super Markovický-rivereto. Longe ĝin posedis senjoroj el Orel, sed en la 16-a jarcento la burgeto estis neloĝata. El forta ĉirkaŭmuro preskaŭ ovoforma estas konservita ĉefe la okcidenta parto kaj romantika palaco kun restaĵoj de sgrafitoj. Estas ankaŭ videblaj altaj restaĵoj el duoncirkla bastiono kaj parto el muro de kvadrata turo. Sub ruinoj de burgeto estas ravino de Rabŝtejn kun kvarcitaj roketoj.

Turismo

El Slatiňany ni povas iri al Rabštejn laŭ verde signita turisma pado, kiu plu gvidas al Heřmanův Městec. De Kočičí hrádek, porinfana maketo de romantika burgo, ni povas alternative iri laŭ bluaj signoj kaj viziti naturmemorejon Na Skalách. De la stacidomo en Chrudim ni povas iri al Rabštejn laŭ ruĝaj signoj. Tra Rabštejnská Lhota kaj Rabštejn gvidas kelkaj biciklismaj traceoj el Chrudim kaj el Slatiňany.

Eksteraj ligiloj