Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)
Kalia borohidrido estas neorganika komponaĵo, kristalblanka solidaĵo kaj diversutila reduktagento uzata industrie kaj grandskale en organikaj reakcioj kaj kiel krudmaterialo por blankigo de ligna pulpo. En kemiaj sintezoj ĝi uzatas kiel tre selektema katalizilo por reduktado de ketonoj kaj aldehidoj al ties korespondaj alkoholoj.
Kiel ekzemploj, oni povas mencii ĝian aplikon en la sintezo de la kloramfenikolo, vitamino A, tiopenikolo, atropino kaj skopolamino. Ĝi malsamas el aliaj borohidridoj ĉar ĝi estas nesolvebla en alkoholo, etero kaj kvarhidrofurano.
Ĉi-substanco estas stabila en aero ĝis 300 °C kaj estas malpli potenca kiel reduktagento ol litia aluminia hidrido. Ĉe 36 °C−37 °C ĝi formas hidraton kaj ĝia akva solvaĵo malkomponiĝas iompostiome escepte kiam stabiligita super pH >9.[4] Ĝia solvebleco en akvo estas 25, 55 kaj 88 g/100 ml de akvo ĉe O°C, 25 °C kaj 60 °C respektive. Bolado aŭ acidigo de la solvaĵoj malkomponigas ĝin.
Vidu ankaŭ: Natria borohidrido
